عيآآل آم قملهـــ؟؟ برآآسي

سلخيرات على الحلوين والحلوات والشينين والشينات

تسيف الحال ؟؟

كان ياما كان في سالف العصر والاوان تعرفت من خلال هذا المنتدى على وحده اسمها ام زمله »» ام قمله

اخذت ايميلها وصرنا اكثر من خوات كانت دايم تجيني واجيها ونسافر مع بعض ياحليلها ويا حليل عيالها القمل والصيبان

كانو دايمن يجون براسي يلعبون

يوم من الايام ام قمله اضطرت تسافر برا السعوديه عشان تجيب بنتها التسبيره قمله

كانت تلعب براس واحد من اكبر الدكاتره في امريكا

وكان يوم سفرها نفس يوم خطبتي

ام قمله : بدويه طلبتس قولي تم

انا : تم الي تبينه بيصير

ام قمله : ابيتس تمسكين عيالي لين ما ارجع من السفر


انا : ها وجهي تغير لونه صار اشكال الوان

ابشري تسم ام قمله عندنا

المهم تجيب شعرها يم شعري وتكب عيالها في راسي عاد انا جتني ذيتس الحتسه الي تخلي جلد الراس ينتحر » وشلون تجي

المهم عيالها يلعبن براسي وانا مو متعوده عليهن تسثير هم يجون براسي بس مو طول الوقت

المهم جتني اخت العريس وانا اسوي شعري قالت لا اليوم طالعه قمر

بس بوه شي براستس يلمع

انا : ها ذي الخرز الجديد وش رايك فيها

يوه يهبلون ممكن احط وحده براسي

يالليل انتي وش تبين حتى وانا حاطه صيبان براسي تبين تاخذينه مني

اخت العريس وشو فيتس صيبان واخوي يمدح شعرتس من زمان يلا ياعيال خليني اروشكم قبل ما تنشره لنا ذي

عز الله انه العريس طار

تعالي وشفيك ما به صيبان تعالي يالليل تسله منتس ام قمله وينتس فيه كل ذا تجبين بنتس مالت عليتس

تعالي امزح عليتس ذي مو صيبان بس ما ابيتس تاخذينه مني عشان اليوم خطبتي وما ابي احد يصير مثلي

المهم تزينت وطلعت وراسي يحتسني ذيتس الحتسه كان وودي اخرب التسريحه

وانا قاعده اسولف مع المعازيم طلعت قمله صغيره تحاتسيني اقول متى بيحطون العيشه تراني جويعه

انا : اسكتي جعلتس السكته شوي وبيحطون العشى

الا وتسمعني ام العريس وتقول جويعه يا ناس العروس جويعه تبي عيشه زهبو العشى

وانا وجهي انغسل بمرق

ها لا لا انا مانيب جويعه بس اهوجس

ام العريس : وش تهوجسين شكلتس جويعه باين عليتس

المهم حطو العشى وكلنا قمنا ناكل

الا وتطلع القمله الصغيره مره ثانيه اقول عطونا عيشه فطسنا

انا بقلبي يا جعلكن تفطسن

ياربي وشلون اخذ اكل واحطه في راسي وش يقولون عني المعازيم

اقولتس نبي عيشه وتقرصني ذيتس القرصه الي ما بعدها قرصه

لدرجة اني خبطت راسي بالطاوله كلهم التفتو علي وشفيتس عسا ما تعورتي

قلتلهم استاذن شوي

رحت للحمام لقيت زعروره تسبيره في جبهتي وتطلع القمله مره ثانيه مو قلت لتس نبي عيشه وينهي

يالليل وشلون اعطيهم اكل »» ما اخبر ان القمل ياكلن


رحت يم الاكل واخذت رز بيدي ورحت للحمام وحطيت الرز في راسي وريحت الزفر فايحه تقول ذيبيحه فوق راسي

المهم كلو وعينو خير وانا قلت بقلبي يا جعلهن يانامن

ام العريس يالعروس ترا العريس يبي يقعد يمتس شوي

انا : ها حياه خليه يجي وجا العريس قعد يمي ويسولف معي

الا وتطلع القمله التسلبه مرتن ثانيه


اقول لتس نبي الحمام اخوي يبي يزق » هذا الي ما حسبت حسابه قمل يزق

القمله بسرعه بيسويها براستس

انا بصوت عالي وشو تبي تزق براسي ها

العريس : ها وش تقولين

والحريم يطالعن فيني وش فيها ذي

انا : لا مو انت وما عرفت اصرف بغيت ابتسي وافزع الدنيا وقلت اقول نقوم من هل تسراسي وش تحسبني اقول ها

العريس: لا فهمتس غلط احسب انتس تقولين كلمتن ثانيه

انا: ها لا ما قلت غير تسذا

الا وتفوح ريحتن خاييسه من راسي اثري القمل سوها في راسي ياحبيبي وحبك ما طاعني وانا عن المهم

خلصت الخطبه وعدت على خير وجت ام العريس تحب راسي

يوه وش ذا يطلع منتس ريحتن شينه انتي ما تروشتي قالتها قدام خلق الله

يالليل انا عصبت ايه ما تروشت وانا فيني قمل وفيني صيبان العريس وامه وخواته هجو واخذو الشبكه وكل شي

يعني خلاص بعنس لا عريس بعد الان

سيرتي انتشرت في كل البلاد المصابه بمرض القمل والصيبان

وكانو البزران لين شافوني قالو ذي ام القمل والصيبان ام القمل والصيبان

وام قمله ما درينا عنها من يوم ما سافرت

وانا عنست وقرعت وقاعده ابيع فص فص وفول سوداني في سوق برزان

وتوتا توتا خلصت الحتوتا » احلى نهايا

بيني وبينكم ما لقيت نهايه قلت اختمها تسذا

و اشكر كل من ساهم في نجاح هذا العمل امحق عمل

واقول ام قمله لا تزعلين ترا الدعوه مزح واذا بتزعلين
ترا ببختس بفليت

:shock:
هذي من جدها :shock:
اجل سووا ع راسها ويبون ياكلون
وش هالخيال الواسسع
يسسلمو ع الطرح يقمله استمري
لا يكون بسس هذي قصصتك
آمزززح تقبلي مروري